Britaniyada yashash joyiga aylantirilgan yadro bunkeri sotuvga qo‘yiladi

Britaniyada tashqi tomoniga beton qoplangan va ko‘rinishi yoqimsiz yadro bunkeri 1,4 mln funt sterling narx bilan sotuvga qo‘yiladi. Uning ichida premium toifadagi bir nechta xonadon joylashgan, deb yozadi The Sun.

Mistli qishlog‘ida joylashgan yadro bunkeri uchta hashamatli xonadonga aylantirilgan. U shu oy oxirida auksionga qo‘yiladi.

Himoya bunkeri 1951 yilda qurilgan. U yadroviy hujum vaqtida hukumat amaldorlarini himoya qilishga mo‘ljallangan. Bunkerning tashqi tomoni tank zirhi va qalinligi 60 santimetrli beton bilan qoplangan.

Hozirda uning ichida bitta to‘rt xonali va ikkita uch xonali xonadon joylashgan. Himoya qatlami saqlab qolingan xonadonlar dizaynerlar tomonidan muhtasham qilib bezatilgan.