Lukashenko Rossiyadan bir nechta “Iskander” raketa majmualarini olish niyatidaligini aytdi

Belarus prezidenti Aleksandr Lukashenko Rossiyadan bir nechta “Iskander” operativ-taktik raketa majmuasi divizionlarini olish niyatini ma'lum qildi.

“Menga g‘arbiy, janubiy yo‘nalishlarda bir nechta divizion kerak, tursa-tursin. Uning uchish masofasi 500 kilometr, bizning “Polonez”niki esa 300 kilometrgacha”, – dedi Lukashenko “Natsionalnaya oborona” jurnaliga bergan intervyusida.

The National Interest nashrining yozishicha, “Iskander” majmualari parvoz tezligi va aniqligi bo‘yicha boshqa raketa majmualaridan ustunroq, raketaga qarshi mudofaa tizimlariga chap bera oladi va 680 kilogrammlik “dahshatli” jangovar kallakka ega.