Qorao‘zakda metan «zapravka»da turgan «Matiz»ning gaz balloni portlab ketdi

Kecha, 18 noyabr kuni soat 15:55 da Qorao‘zak tumani «Berdaq» OFY hududidagi metan «zapravka»da favqulodda holat yuz bergan. Bu haqda «Tynyshlyq saqshysy» gazetasi xabar berdi

Ma'lum bo‘lishicha, tumandagi «AKK MeTAN OIL» «zapravka»sida «Matiz»ning gaz balloni portlab ketgan. Holat chimboylik B.Q. ning mashinasiga gaz to‘ldirish vaqtida yuz bergan. Portlash oqibatida hududda yong‘in yuzaga kelgan.

Natijada Chimboy tumanida istiqomat qiluvchi S.A. va Qorao‘zak tumanida yashovchi bir nafar yo‘lovchi, «AKK MeTAN OIL» MChJ ishchisi J.D. lar tan jarohati olib, shifoxonaga tushgan.

Ularning sog‘ligi haqida hozircha qo‘shimcha ma'lumot berilmadi. Bundan bir yil oldin Mo‘ynoqdagi metan «zapravka» qarshisida yong‘in yuz bergandi.