Surxondaryoda yer olib berishini aytib fuqaroning pulini o‘zlashtirgan qashqadaryolik shaxsga jinoyat ishi qo‘zg‘atildi

Surxondaryo viloyati Uzun tumanida yer olib berishini aytib fuqaroning pulini o‘zlashtirgan qashqadaryolik shaxsga jinoyat ishi qo‘zg‘atilgan. Bu haqda viloyat IIB axborot xizmati xabar bermoqda.

Ma'lum qilinishicha, 2021 yil 9 oktabr kuni, Uzun tuman Oqostona mahallasida yashovchi shaxs Sh.Sharof tuman IIBga ariza bilan murojaat qilgan. U o‘z murojaatida 2019 yilda Qashqadaryo viloyati Dehqonobod tumanida yashovchi R.Rashid, tumanning Tomchi mahallasi hududidan yer maydoni olib berishini aytib, 3 ming AQSh dollari va 20 million so‘m pulini olib, o‘zlashtirib ketganini bildirgan.

Qayd etilishicha, joriy yil 5 noyabr kuni R.Rashidga nisbatan Jinoyat kodeksining 168-moddasi 2-qismi «a» bandi bilan jinoyat ishi qo‘zg‘atilgan.