Nigeriyada qayiq ag‘darilishi natijasida qariyb 30 kishi halok bo‘ldi

Nigeriyaning Kano shtatida qayiq ag‘darilishi oqibatida 29 kishi halok bo‘ldi. Bu haqda VVS xabar bermoqda.

Xabarda aytilishicha, qayiq Badau qishlog‘idan 5 kilometr masofada joylashgan Bagvay qishlog‘iga suzib ketayotgan bo‘lgan.

Guvohlarning so‘zlariga ko‘ra, unda 50 nafarga yaqin odam bo‘lgan.

Halok bo‘lganlar orasida maktab o‘quvchilari ham borligi aytilmoqda. Yetti kishi qutqarib olingan, bir necha kishi bedarak yo‘qolgan deb hisoblanmoqda.