Belarus G‘arb davlatlari sanksiyalariga javoban oziq-ovqat embargosi kiritdi

Minsk ushbu davlatlardan import qilishni taqiqlagan mahsulotlar orasida yirik shoxli chorva go‘shti, sut va sut mahsulotlari, sabzavotlar, mevalar, qandolatchilik mahsulotlari, tuz va boshqalar bor.

Ta'kidlanishicha, Belarusning ushbu davlatlarning “nodo‘stona va tahqirlovchi harakatlariga” javoban embargosi 2022 yil 1 yanvardan kuchga kiradi.

Belarus 2021 yilning 10 oy ichida ushbu davlatlardan umumiy hisobda 530 mln dollardan ko‘proq summaga oziq-ovqat mahsulotlari import qilgan.

Shu bilan birga, Minsk qarori shaxsiy iste'mol mahsulotlari, jumladan bolalar ozuqalari uchun mo‘ljallangan va o‘ta muhim tovarlarni qamramaydi.

2 dekabrda Yevropa ittifoqi, Britaniya, AQSh va Kanada Belarusga qarshi navbatdagi sanksiyalarni kiritdi. Ular ostiga bir qator yuridik va jismoniy shaxslar, jumladan, “Belavia” aviakompaniyasi, “Belaruskaliy” korxonasi va respublika prezidentining o‘g‘li Dmitriy Lukashenko tushgan.