Yakkasaroy hokimi ajrashishlar ko‘paygani uchun mahalla raisi o‘rinbosarlariga intizomiy jazo chorasi qo‘lladi

Hujjatga ko‘ra, oilaviy qadriyatlarni mustahkamlash komissiyasi har bir oilalarning turmush sharoiti va ahvolini o‘rganmaganligi tufayli oilaviy ajrimlar soni keskin oshib ketganligi sababli, “Armug‘on”, “Boshliq”, “Qushbegi”, “Dilbuloq”, “Muhandislar”, “Meros”, “Muqimiy”, “Yakkasaroy”, “Rakat”, “To‘qimachi”, “Abdulla Qahhor”, “Yunus Rajabiy”, “Belariq”, “Bobur” mahalla fuqarolar yig‘inlari raislarining oila, xotin-qizlar va ijtimoiy-ma'naviy masalalar bo‘yicha o‘rinbosarlariga nisbatan Mehnat kodeksining 181-moddasiga muvofiq “hayfsan” intizomiy jazo chorasi qo‘llanildi.

Bundan tashqari, ajrim yoqasiga kelib qolgan oilalar soni keskin oshganligi munosabati bilan barcha mahalla fuqarolar yig‘inlari raislari hamda ularning oila, xotin-qizlar va ijtimoiy-ma'naviy masalalar bo‘yicha o‘rinbosarlari qat'iy ogohlantirildi.