Toshkentda Transafg‘on yo‘lagi bo‘yicha xalqaro muzokaralar bo‘lib o‘tdi

«O‘zbekiston temir yo‘llari» axborot-tahliliy media markazi xabariga ko‘ra, tomonlar qo‘shnichilik aloqalarini mustahkamlash, xalqaro transport kommunikatsiyalari va savdo aloqalarining mintaqalararo hamkorligini rivojlantirish, shuningdek, iqtisodiyot turli tarmoqlarida hamkorlikni chuqurlashtirishda mazkur loyihaning ahamiyati haqida ta’kidlab o‘tdi.

Yig‘ilish yakunida tomonlar tez orada ilgari surilgan temir yo‘l liniyasini qurish loyihasini joyiga chiqqan holda o‘rganish, ishchi guruhlar yig‘ilishini doimiy ravishda o‘tkazish va dastlabki texnik-iqtisodiy asoslar ishlab chiqilgandan so‘ng loyihaga xalqaro moliya institutlarini jalb qilish bo‘yicha kelishib oldi.