Sitsiliyada gaz portlashi oqibatida 5 qavatli uy qulab tushdi

Italiyaning Sitsiliya orolida 11 dekabr kechki payt 5 qavatli uyda gaz portlashi yuz berdi. Buning oqibatida uy qulab tushgan, deb xabar berdi Giornale di Sicilia nashri.

Foto: Twitter / emergenzavvf

Ma'lumotlarga ko‘ra, voqea Ravanuza shahrida yuz bergan. Dastlabki taxminga ko‘ra, bunga gaz sizib chiqishi sabab bo‘lgan. Portlash 2 ta qo‘shni binoga ham zarar yetkazgan.

Ayni vaqtda 12 kishi, jumladan 3 bola bedarak yo‘qolgani ma'lum.

Voqea joyida favqulodda xizmatlar ish olib bormoqda. Qutqaruv amaliyotini boshlashdan oldin o‘t o‘chiruvchilar portlashdan keyin chiqqan yong‘inni o‘chirishlariga to‘g‘ri kelgan.