Ohangaronda Isuzu yuk mashinasi yo‘l chetiga ag‘darilib ketdi

Toshkent viloyati Ohangaron tumanida Isuzu yuk mashinasi yo‘l chetiga ag‘darilib ketgan. Favqulodda vaziyatlar vazirligi axborot xizmatining xabar berishicha hodisada hech kim jiddiy jarohat olmagan.

Ma’lum qilinishicha, 2021 yil 13 dekabr kuni soat 23:50 larda A-373 Toshkent–O‘sh xalqaro avtomobil yo‘lining Ohangaron tumani hududidan o‘tgan 32-kilometrida yo‘l-transport hodisasi sodir bo‘lgan.

Farg‘ona vodiysi tomon harakatlanib ketayotgan Isuzu yuk mashinasi haydovchisi kutilmaganda boshqaruvni yo‘qotgan. Oqibatda mashina yo‘l chetiga ag‘darilib ketgan.

Qayd etilishicha, hodisa sodir bo‘lgandan bir necha daqiqa o‘tib voqea joyiga FVV qutqaruvchilari va YHXB xodimlari yetib kelgan. So‘ng hamkorlikda YTH oqibatlarini bartaraf etgan.

Qamchiq dovonida «Spark» yo‘l tagidan suv o‘tkazuvchi inshootga tushib ketdi

Qamchiqda 60 metr chuqurlikka tushib ketgan inson hayoti saqlab qolindi