Bayden bir necha marta o‘z o‘rinbosarini prezident deb atadi 

Ta’kidlanishicha, 79 yoshli Bayden Janubiy Karolina davlat universiteti talabalari oldidagi nutqida bunday xatoga yo‘l qo‘ygan. U yig‘ilganlarga murojaat qilib, o‘z o‘rinbosarini bir necha bor “prezident Harris” deb atagan. Jumladan, u Harrisni Govard universiteti bitiruvchisi deb aytganda shunday yanglishlikka yo‘l qo‘ygan.

Avvalroq Bayden o‘z nutqlaridan birida Pentagon rahbari Lloyd Ostin ismini unutib qo‘ygandi. AQSh prezidenti amerikalik harbiylarga faxriy medallarni topshirish vaqtida AQSh mudofaa vazirining ismi va familiyasini uzoq vaqt eslay olmagan.

Bundan avvalroq esa Bayden millatga murojaatida koronavirusning yangi shtammi “omikron”ni “omnikron” deb atagan.