Peskov Belarusda Rossiya yadro quroli joylashtirilishi to‘g‘risidagi savolga javob berdi

Avvalroq Belarus tashqi ishlar vaziri Vladimir Makey Minsk o‘z hududida yadro qurolini joylashtirish imkoniyatini ko‘rib chiqayotganini aytgandi.

Foto: RIA Novosti

Kreml rasmiy vakili Dmitriy Peskov Belarusda Rossiya yadro quroli joylashtirilishi to‘g‘risidagi savolga javob berdi.

«Chegaralarimizda bizga nisbatan xatar uyg‘otadigan turli qurollarning joylashtirilishi vaziyatni muvozanatlashtirish uchun tegishli qadamlar tashlashni talab qilishi hech kimga sir emas. Bu yerda turli xil variantlar bo‘lishi mumkin», — dedi Peskov.

Avvalroq Belarus tashqi ishlar vaziri Vladimir Makey Minsk o‘z hududida yadro qurolini joylashtirish imkoniyatini ko‘rib chiqayotganini aytgandi.

Noyabr oxirlarida Belarus yetakchisi Aleksandr Lukashenko “RIA Novosti” axborot agentligiga bergan intervyusida NATO Polshada yadro qurolini joylashtirsa, unda Belarus o‘z hududida Rossiyadan shunday qurolni joylashtirishni so‘rashini bildirgandi.