OAVda Rossiya qurolli kuchlari S-550 tizimi bilan qurollana boshlagani ma’lum qilindi

“S-550’ning davlat sinovlari muvaffaqiyatli yakunlandi. Majmuaning birinchi brigadasi jangovar navbatchilikka kirishgan”, deb ma’lum qilgan manba.

Uning ta’kidlashicha, S-550 raketalar hujumidan strategik mudofaa tizimining mutlaq yangi mobil tizimi bo‘lib, dunyoda muqobillarga ega emas. U bir necha o‘n ming kilometr balandlikdagi fazoviy qurilmalar, qit’alararo ballistik raketalar jangovar bloklari, gipertovushli obektlarni nishonga ura oladi.

Manba shu tariqa past balandliklarga mo‘ljallangan “Pansir” zenit raketa-zambarak majmualari, uzoq masofalarga mo‘ljallangan S-350, S-400, S-500 va fazoda qo‘llashga mo‘ljallangan S-550 zenit-raketa tizimlaridan iborat havo-raketa hujumiga qarshi mudofaa tizimi shakllantirilganini aytgan.

Shu bilan birga, TASS S-550 borasidagi axborotning rasmiy tasdig‘ini olmagan.

S-550 yaratilgani haqida birinchi marta Rossiya mudofaa vazirligining 9 noyabrdagi selektor yig‘ilishida aytilgan. Mudofaa vaziri Sergey Shoygu Rossiya prezidenti Vladimir Putin mudofaa vazirligi va mudofaa-sanoat majmuasi korxonalari rahbariyati bilan o‘tkazgan yig‘ilishda S-550’ni qo‘shinlarga yetkazilishi muhim ahamiyatga ega bo‘lgan qurollar qatorida eslab o‘tgan.