AQShda bir sutkada koronavirus yuqtirish bilan bog‘liq milliondan ortiq holat qayd etildi

AQShda o‘tgan sutkada koronavirus yuqtirish bilan bog‘liq milliondan ortiq holat qayd etildi. Bu haqda Jons Hopkins universiteti ma’lum qildi.

3 yanvar kuni mamlakatda 1 mln 82 ming 549 ta holat aniqlangan. Sutka davomida 1688 nafar bemor vafot etgan.

Pandemiya boshlanganidan buyon AQShda 56 milliondan ortiq inson koronavirus yuqtirgan, ularning 827,7 ming nafari vafot etgan.

Avvalroq AQSh allergik va yuqumli kasalliklar milliy instituti direktori Entoni Fauchi “omikron” shtammi sababli mamlakatda shifoxonaga yotqizishlar soni o‘sishini aytgandi.