Kun suratlari: Afg‘onistonda qor, Britaniyada yoz, Qozog‘istonda namoyishlar

 Qozog‘iston shaharlarida gaz narxi oshishiga qarshi namoyishlar

Yangi yilning ilk kunlarida Qozog‘istonning Janao‘zen shahrida avtomobil egalari suyultirilgan gaz narxi 60 tengedan (1 492 so‘m) 120 tengega (3 ming so‘m atrofida) ko‘tarilganidan norozi bo‘lib, ommaviy miting o‘tkazishdi.

3 yanvar kuni Qozog‘iston prezidenti Qosim-Jo‘mart To‘qayev hukumatga «Janao‘zendagi vaziyatni zudlik bilan iqtisodiy maqsadga muvofiqligini hisobga olgan holda huquqiy sohada ko‘rib chiqish» bo‘yicha topshiriq berdi. 

To‘qayev namoyishchilarni muloqotga chaqirdi. «Aqtauda hukumat komissiyasi ish boshladi, uning tarkibiga prezident ma’muriyati xodimlari kiradi. Respublika operativ shtabi doimiy asosda ishlamoqda. Komissiyaga mamlakatimizdagi barqarorlik manfaatlaridan kelib chiqqan holda yuzaga kelgan muammoning o‘zaro maqbul yechimini topish topshirildi. Huquq-tartibot organlariga jamoat tartibining buzilmasligini ta’minlash bo‘yicha ko‘rsatmalar berildi. Namoyishchilar mas’uliyat va muloqotga tayyor bo‘lishi lozim», deb yozgan Qozog‘iston prezidenti Twitter'da.

Ko‘p o‘tmay hukumat komissiyasi a’zolari Aqtaudagi namoyishchilar bilan uchrashgani va Mang‘istau oblasti uchun bir litr gaz narxi 50 tenge deb belgilanishini bildirgani xabar qilindi. Ammo namoyishchilar endi boshqa talablarini bildirishmoqda.

4 yanvar kuni mamlakatning barcha yirik shaharlari - Nur-Sulton, Olmaota, Aqtau, Qarag‘anda, Chimkent, Aqto‘be, Qizilo‘rda va boshqa hududlarda ham minglab kishilar ko‘chalarga chiqishdi.

Chilida asalarichilar namoyishi. Yetti politsiya jabrlandi
Chili poytaxti Santyagoda asalarichilar hukumatdan yordam so‘rab ko‘chalarga chiqishdi. 

Mamlakatda 12 yildan buyon qattiq qurg‘oqchilik davom etmoqda: o‘simliklar dunyosi nobud bo‘lib, asalarilar populyatsiyasi ham halokatga yuz tutmoqda.

Asalari boquvchilar Chili poytaxtiga bo‘sh qo‘l bilan kelishmadi. Prezident saroyi oldida ular 60ta asalari uyasini o‘rnatishdi va ulardan atrofga minglab asalarilar tarqaldi.

Asalarilar politsiyachilarni chaqib olishgan: yetti nafar huquq-tartibot organlari xodimini shifoxonaga olib ketishgan. Santyago aholisi tashvishga tushib qolgan. Hukumat qurg‘oqchilikdan jabrlanayotgan 20ta aholi punktiga ko‘mak ko‘rsatishni va’da qildi.

Britaniyada issiq kunlar, AQSh va Afg‘onistonda qish