Samarqandda 8 marta turli jinoyatlar bilan sudlangan shaxs yana o‘g‘rilik qildi

Samarqand tumanida 8 marta turli jinoyatlar bilan sudlangan shaxs yana o‘g‘rilik jinoyatini sodir etgan. Bu haqda viloyat IIB axborot xizmati xabar bermoqda.

Ma’lum qilinishicha, 2022 yil 11 yanvar kuni Samarqand tumanida yashovchi fuqaro IIBga ariza bilan murojaat qilgan. U o‘z arizasida 11 yanvar kuni o‘ziga tegishli bo‘lgan mashina yuvish shoxobchasidan turli anjom va uskunalar noma’lum shaxs tomonidan o‘g‘irlab ketilganini bildirgan.

IIB xodimlari tomonidan o‘tkazilgan tezkor tadbirda mazkur o‘g‘rilikni Samarqand shahrida yashovchi X. sodir etgani aniqlangan va u qo‘lga olingan. Jabrlanuvchiga o‘g‘irlangan uskunalar qaytarib olib berilgan.

Qayd etilishicha, holat yuzasidan Jinoyat kodeksining 169-moddasi 3-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.