Urushga tayyorlanayotgan ukrainlar, Amerikaning noodatiy qishi va poytaxtga yurish qilgan kanadaliklar. Kun suratlari

Dam olish kunlari Kiyev shahri atrofida muddatli harbiy xizmatni o‘tab, zaxiraga olingan ukrainlar va tinch aholi vakillari ishtirokida harbiy o‘quv mashg‘ulotlari o‘tkazildi.

Avvalroq Ukraina ichki ishlar vazirligi favqulodda vaziyatga tayyorgarlik ko‘rish maqsadida tinch aholi uchun ommaviy mashg‘ulotlar o‘tkazilishini ma’lum qilgandi.

Rossiya bosqini ro‘y berishi haqidagi xavotirlar fonida tashkillashtirilgan mashg‘ulotlar chog‘ida oddiy fuqarolar G‘arb mamlakatlarida ta’lim olgan instruktorlar tomonidan favqulodda vaziyatlarga tayyorlangan.

Odatda qishda ham issiq bo‘ladigan Amerika janubida harorat pasaymoqda, shimolda ancha vaqtdan buyon qor bo‘ronlari davom etmoqda, o‘rta g‘arbda esa suv toshqinlari kuzatilmoqda.

Bostonda kunlik yog‘in miqdori bo‘yicha asr boshidagi rekord yangilangan, 2003 yilda bir kunda yog‘gan qor balandligi qariyb 60 santimetrga yetgandi.

Kanadalik minglab yuk mashinalari haydovchilari majburiy vaksinatsiyaga qarshiligini izhor qilish uchun mamlakat poytaxti Ottavaga kirib kelishdi. Yana minglab kishilar ularni qo‘llab-quvvatlagan holda shahar ko‘chalariga chiqishgan.

Norozilik aksiyasi 29 yanvar kuni hukumat AQShdan kirib kelgan yuk mashinasi haydovchilari koronavirusga emlanmagan bo‘lsa, ikki haftalik karantin o‘tashi majburiy ekani haqida qaror qilgach boshlandi.

Haydovchilar hukumat yon bermaguncha shaharda qolishlarini aytishgan. Bu vaqtda mamlakat bosh vaziri Jastin Tryudo xavfsizlik sharoiti tufayli oilasi bilan birga Ottavadan chiqib ketgan.

Avvalroq bosh vazir ushbu haydovchilarni fikri ahamiyatsiz bo‘lgan «ozchilik marginallar» deb atagani shov-shuvlarga sabab bo‘lgandi.

Ma’lumotlarga ko‘ra, kanadalik yuk mashina haydovchilarning (ular 120 mingga yaqin) 90 foizi koronavirusga qarshi ikki dozani qabul qilgan.

Yaqin Sharqda ham sovuq kunlar davom etmoqda.