Qibrayda 4 ta yuk avtomobili yonib ketdi (Video)

Toshkent viloyati Qibray tumani “Chinobod” MFYdagi ochiq maydonda sotish uchun somon presslari ortilgan va bir-biriga yaqin joylashtirilgan 4 ta yuk avtomobilida yong‘in sodir bo‘lgan. Bu haqda FVV Axborot xizmati xabar bermoqda.

Qayd etilishicha, yong‘in bo‘yicha 2 fevral kuni soat 03:09 da FV bo‘limiga xabar kelib tushgan. Shunga ko‘ra, 4 ta yong‘in-qutqaruv ekipaji voqea joyiga yetib borib, yong‘in bartaraf etilgan.

Yong‘in natijasida 3 ta “Gaz-53” hamda “Zil-130” rusumli yuk avtomobillari kabinasi va ularga ortilgan 200 donadan, jami 800 dona somon pressi yonib zararlangan.

Hodisa oqibatida tan jarohati olgan va halok bo‘lganlar yo‘q.

“Hozirda yong‘in sababi va moddiy zarar miqdori aniqlanmoqda”, deyiladi xabarda.