Kanada hukumati tarixda ilk bor favqulodda vaziyat to‘g‘risidagi qonunni qo‘lladi

Kanada hukumati tarixda birinchi marta favqulodda vaziyat to‘g‘risidagi qonunni qo‘lladi. Ushbu qonun yordamida yuk mashinalari haydovchilarining karantin cheklovlariga qarshi noroziliklarini to‘xtatish rejalashtirilmoqda. Bu haqda Kanada bosh vaziri Jastin Tryudo ma’lum qildi.

Uning aniqlik kiritishicha, qonun vakolatlari Ottava va namoyishlar ishtirokchilari to‘siqlar qurib olgan boshqa shaharlar talablariga muvofiq holda cheklanadi. 

Tryudo favqulodda vaziyat to‘g‘risidagi qonun butun mamlakat bo‘ylab huquqni muhofaza qiluvchi organlarni mustahkamlash va qo‘llab-quvvatlash uchun qo‘llanilishini aytdi. 

"Gap kanadaliklar xavfsizligini ta’minlash, ish joylarini himoya qilish to‘g‘risida bormoqda", - dedi u.

Kanadada uzoq masofaga yuk tashuvchi haydovchilar anchadan buyon karantin cheklovlariga qarshi norozilik bildirib namoyishlar o‘tkazmoqda. 7 fevral kuni Ottavada namoyishlar tufayli favqulodda holat rejimi joriy etildi. Shahar hokimiyati namoyishlar Ottava aholisi xavfsizligiga tahdid uyg‘otmoqda, degan fikrda. 

Kanadada favqulodda vaziyat to‘g‘risidagi qonun 1988 yilda qabul qilingan. Qonun ilgari hech qachon qo‘llanilmagan, chunki u eng so‘nggi chora hisoblanadi.