Zangiotada gaz ta’minoti vaqtincha to‘xtatiladi

Toshkent viloyatining Zangiota tumanida ta’mirlash ishlari tufayli gaz ta’minoti vaqtincha to‘xtatiladi. Bu haqda «Hududgaz Toshkent» gaz ta’minoti filiali matbuot xizmati xabar berdi.

Foto: Getty Images

Zangiota tumani Turkiston hududi, Tarnov mahallasini tabiiy gaz bilan ta’minlovchi yerosti o‘rta bosimli gaz quvurida gaz sizib chiqish (avariya) holati aniqlangan.

Shu sababli, 2022 yil 22 fevral kuni soat 09:00 dan 17:00 ga qadar yuqorida ko‘rsatilgan manzilda 895 ta aholi xonadonida va 5 ta tabiiy gaz ulgurji iste’molchida tabiiy gaz ta’minoti vaqtincha to‘xtatiladi.

Ta’mirlash ishlari tugatilgandan so‘ng tabiiy gaz ta’minoti qayta tiklanadi.