«Har kuni velosipedda hasip sotishga chiqaman» - xonqizlik hasipchi

Ish yuzasidan Farg‘ona tumani Xonqiz qishlog‘iga borganimizda, velosipediga tog‘ora o‘rnatib olib yegulik sotib ketayotgan kishi e’tiborimizni tortdi. U odamlarga yo‘l-yo‘lakay hasip sotardi. Sotuvchi ortidan ergashib u bilan suhbatlashdik. O‘zini Rahmatilla Tojialiyev deb tanishtirgan hamyurtimiz qishloqda hasip va pishirilgan mol tuyog‘i sotish bilan shug‘ullanar ekan.