Old o‘rindiqdagi yo‘lovchi kamar taqmasa, jarimani kim to‘lashi ma’lum bo‘ldi
YHXX vakilining so‘zlariga ko‘ra, avtomobil old o‘rindig‘ida harakatlanib ketayotgan yo‘lovchi xavfsizlik kamarini taqmasa, unga nisbatan BHMning ikkidan bir qismi miqdorida jarima qo‘llanadi. Biroq MJTKga bu borada tegishli band hali kiritilmagan.
Yo‘l harakati xavfsizligi xizmati sohasiga oid yangiliklarga bag‘ishlangan matbuot anjumanida Kun.uz muxbiri avtomobil old o‘rindig‘idagi yo‘lovchi kamar taqmagani uchun jarimani kim to‘lashi haqida savol berdi.
Savolga javoban IIV JXD YHXX podpolkovnigi Aziz Rahmatullayev old o‘rindiqdagi yo‘lovchining kamar taqmagani uchun o‘sha yo‘lovchining o‘zi huquqbuzar hisoblanishini va ma’muriy bayonnoma ham unga nisbatan rasmiylashtirilishi ko‘zda tutilganini bildirdi.
Uning qo‘shimcha qilishicha, ushbu huquqbuzarlik uchun jarima miqdori BHMning ikkidan bir qismi – 135 ming so‘m etib belgilanadi.
Bu borada Ma’muriy javobgarlik to‘g‘risidagi kodeksga hali tegishli band kiritilmagan.
Ma’lumot uchun, yangi tahrirdagi yo‘l harakati qoidalariga ko‘ra, endilikda avtomobil old o‘rindig‘idagi yo‘lovchilar ham kamar taqishi majburiy hisoblanadi.
Mavzuga oid
15:26 / 20.09.2024
Skuter va yuk mashinalariga doir taqiqlar, “radarlar” hamda YHXXning bekor bo‘layotgan vakolati – Senat yangi o‘zgarishlarni ma’qulladi
10:23 / 14.09.2024
Chortoqda 14 yoshli bolaning umriga zomin bo‘lgan Malibu haydovchisi 4 yilga qamaldi
15:13 / 09.09.2024
Navoiyda ikki o‘quvchining umriga zomin bo‘lgan haydovchi 5 yilga qamaldi
09:43 / 11.08.2024