«Bevosita va ochiq muloqot». Finlandiya prezidenti mamlakat NATOga kirishini aytish uchun Putinga qo‘ng‘iroq qildi

Finlandiya prezidenti Sauli Niinistyo o‘z mamlakati yaqin kunlarda NATOga a’zo bo‘lib kirishga ariza topshirishi haqida aytish uchun Vladimir Putinga qo‘ng‘iroq qildi. Finnlar yetakchisi tomonidan tarqatilgan rasmiy xabarda aytilishicha, bu qaror ham Rossiyaning Ukrainaga bostirib kirishi, ham rasmiy Moskvaning Shimoliy Atlantika alyansi kengayishiga qarshi e’tirozlari bilan bog‘liq.