«Tolibon» AQShni dushman deb hisoblamasligini bildirdi

Sirojiddin Haqqoniy toliblar amerikaliklarni dushman sifatida ko‘rmasligini, ammo afg‘onistonliklarda AQShning maqsadlariga nisbatan ayrim shubhalar borligini qayd etdi.

Foto: Anadolu Agency

«Tolibon» harakati AQShni dushman sifatida ko‘rmaydi, dedi toliblar vaqtinchalik hukumati ichki ishlar vaziri vazifasini bajaruvchi Sirojiddin Haqqoniy.

Uning so‘zlariga ko‘ra, Afg‘oniston uchun oxirgi 20 yil kurash va urushlar bilan o‘tgan bo‘lsa-da, toliblar AQSh va xalqaro hamjamiyat bilan ijobiy munosabatlarga intilmoqda.

Haqqoniy toliblar amerikaliklarni dushman sifatida ko‘rmasligini, ammo afg‘onistonliklarda AQShning maqsadlariga nisbatan ayrim shubhalar borligini qayd etdi.

U Afg‘oniston va uning xalqi xalqaro huquqqa muvofiq o‘z erkinligini himoya qilish huquqiga egaligini ta’kidladi.

Sirojiddiy Haqqoniy Afg‘onistondan hech bir davlatga tahdid bo‘lmasligiga kafolat berdi.

#AQSh #Afg‘oniston #tolibon