Shri-Lankada iqtisodiy inqiroz fonida maktablar yopildi

Hukumat «yonilg‘i yetishmovchiligi va transport vositalari bilan bog‘liq muammolar» bois davlat xizmatchilariga ishga vaqtinchalik kelmay turishni tavsiya qildi.

Foto: Anadolu Agency

Chuqur iqtisodiy inqiroz davom etayotgan Shri-Lankada yonilg‘i yetishmovchiligi sababli barcha ta’lim muassasalari yopildi.

Hukumat «yonilg‘i yetishmovchiligi va transport vositalari bilan bog‘liq muammolar» bois davlat xizmatchilariga ishga vaqtinchalik kelmay turishni tavsiya qildi.

16 may kuni Shri-Lanka bosh vaziri Ranil Vikremesingxe mamlakatda bir kunga yetadigan benzin qolganini ma’lum qilgandi.

Mamlakatda minglab transport vositalari bir necha kundan buyon yonilg‘i quyish shoxobchalarida navbatda turibdi.

Avvalroq Shri-Lanka tashqi qarzlar bo‘yicha majburiyatlarini bajara olmagani uchun defolt e’lon qilgandi.