Farg‘ona neftni qayta ishlash zavodi xususiy korxonaga 100 mln dollarga sotildi

Sotish jarayonini tashkil qilish uchun xususiylashtirish bo‘yicha konsultant sifatida tanlov asosida “KPMG Valuation and Consulting” MChJ kompaniyasi jalb qilingan. Davlat ulushini baholash uchun Big4 ("Katta to‘rtlik")ga kirgan xalqaro baholash kompaniyasi jalb etilgan.

Korxona mamlakatdagi dastlabki ishlab chiqarish quvvati 6,5 million tonnani tashkil etadigan eng yirik neftni qayta ishlash zavodlaridan biri bo‘lib, tarixi 1959 yildan boshlanadi, 1907 yilda ishga tushirilgan Olti-Ariq yoqilg‘i ishlab chiqarish quvvati shular jumlasida. 

O‘tgan asrning 60-yillarida FNQIZ g‘arbiy Sibir konlaridan xomashyo bilan ta’minlangan, shuningdek, butun SSSR xomashyosini qayta ishlash tizimining bir qismi bo‘lgan. O‘tgan 20 yil davomida zavodda modernizatsiya va rekonstruksiya ishlari amalga oshirilmagan. So‘nggi 10 yil ichida yiliga o‘rtacha 1-1,5 mln tonna neft qayta ishlangan.

Bitim doirasida xaridor zavodni modernizatsiya qilish, zamonaviy va ekologik toza benzin, “Yevro-5” talablariga javob beradigan dizel yoqilg‘isi, “Jyet a-1” reaktiv yoqilg‘isi, suyultirilgan tabiiy gaz ishlab chiqarishni ko‘paytirish, neft agregatlarini modernizatsiya qilish, ishlab chiqarish quvvatini kamida 2 million tonnaga oshirishni ta’minlashni tashkil etish uchun 380 million AQSh dollaridan ortiq investitsiya majburiyatlarini bajarishni o‘z zimmasiga oladi.

“Sanoat Energetika Guruhi” MChJ XK O‘zbekistondagi eng yirik xususiy vertikal integratsiyalashgan neft va gaz kompaniyasi hisoblanadi. Ayni paytda kompaniya yer qa’ridan foydalanish huquqiga ega bo‘lgan 103 ta konga egalik qiladi va neft qazib olishning taxminan 80 foizini va tasdiqlangan gaz zaxiralarining taxminan 22 foizini tashkil qiladi. Neft va gaz qazib olishdan tashqari, kompaniya benzin, dizel, neft, aviatsiya kerosini va boshqa bir qator yuqori qo‘shilgan qiymatga ega mahsulotlar ishlab chiqaradi.