Nishonda adashgan daydi o‘q. Milliy gvardiya “snayperi” fuqaroni otib qo‘ygan

Toshkent tumanida xizmat vazifasini bajarayotgan gaz ta’minot bo‘limi xodimiga daydi o‘q kelib tegadi. Ekspertiza jangovar o‘q Milliy gvardiya Jamoat xavfsizligi universitetining o‘quv mashg‘ulotlarini o‘tkazayotgan kursantlari tomonidan “SVD” merganlik qurolidan otilganini tasdiqladi. Jinoyat alomatlari yo‘q degan vaj bilan ishni tugatgan harbiy prokuratura Kun.uz surishtiruvi davrida uni qayta ko‘rishni boshladi.