Yengil avtomobillar ishlab chiqarish hajmi qariyb 41 mingtaga oshdi 

Qo‘mita xabariga ko‘ra, 2022 yilning yanvar-may oylarida O‘zbekistonda 126 474 ta yengil avtomobillar ishlab chiqarilgan.

Qayd etilishicha, ishlab chiqarilgan yengil avtomobillar soni o‘tgan yilning mos davriga nisbatan 40 680 taga oshgan. 

2022 yilning yanvar-may oylarida ayrim turdagi sanoat mahsulotlarini ishlab chiqarish hajmi quyidagicha:

• avtomobil benzini – 475 ming tonna;
• ko‘mir – 2,1 mln. tonna;
• neft – 318 ming tonna;
• gaz kondensati – 555 ming tonna;
• yengil avtomobillar – 126 474 dona;
• avtobus – 376 dona;
• yuk avtomobillari – 1596 dona;
• avtomobil dvigatellari – 94,1 ming dona.

Shuningdek, Statqo‘mita ma’lumotiga ko‘ra, may oyida eng ko‘p “Cobalt” avtomobili ishlab chiqarilgan.

Avtomobil ishlab chiqarish sanoatida 2022 yilning may oyida ishlab chiqarilgan yengil avtomobillar soni quyidagicha:

• “Cobalt” - 10 226 dona;
• “Lacetti-Gentra” - 9 076 dona;
• “Damas” - 6 057 dona;  
• “Spark” - 1 708 dona;
• “Nexia T-250” - 2 169 dona; 
• maxsus yengil avtomobillar - 2 067 dona.