Farg‘ona viloyatida chiqindilarni elektron motorollerlar yordamida olib chiqib ketish yo‘lga qo‘yildi
Farg‘ona viloyati Uy-joy kommunal xizmat ko‘rsatish boshqarmasi chiqindilarni elektron motorollerlar yordamida olib chiqib ketishni yo‘lga qo‘ydi.
Uy-joy kommunal xizmat ko‘rsatish vazirligi xabariga ko‘ra, boshqaruv tashkilotlari uchun berilayotgan ekologik toza, shovqinsiz ishlovchi elektron motorollerlar mahalliylashtirish tamoyillariga asosan “Metall lazer” MChJ tomonidan ishlab chiqarilmoqda.
Ma’lum qilinishicha, ko‘p kvartirali uylarga tutash yer hududlarni obodonlashtirish, sanitar-gigiyena talablari asosida ozoda saqlash dolzarb muammolardan biri hisoblanadi.
Mazkur uskuna ortiqcha sarf-xarajatlarni kamaytirish bilan bir qatorda, atrof-muhitning zaharli gazlardan ifloslanishi oldini olishi bilan ham ahamiyatli. Farg‘ona viloyatidagi 48 ta boshqaruv servis kompaniyasiga zamonaviy motorollerlar yetkazib berish rejalashtirilgan.
Ma’lumot uchun, bir dona elektron motorollerning narxi 32 mln so‘mni tashkil etmoqda.
Mavzuga oid
15:54 / 19.09.2024
Tinch okeanidagi ulkan chiqindi dog‘i: uni tozalashga 7,5 mlrd dollar ketadi
10:18 / 12.09.2024
Chiqindilarni olib ketish bo‘yicha ommaviy oferta joriy etildi
20:38 / 05.09.2024
KXDR Janubiy Koreyaga 420 ta chiqindi sharini uchirdi
07:06 / 05.09.2024