Toshkent va Nukus o‘rtasidagi aviareyslar vaqti o‘zgardi

Qoraqalpog‘istonda favqulodda holat rejimi davrida «Toshkent - Nukus - Toshkent» yo‘nalishidagi kechki aviareyslar jadvali o‘zgaradi.

4 iyuldan 2 avgustga qadar – Qoraqalpog‘istonda favqulodda holat rejimi davrida «Toshkent – Nukus – Toshkent» yo‘nalishidagi HY017/018 kechki aviaqatnovlari jadvali o‘zgaradi. Bu haqda Uzbekistan Airways axborot xizmati xabar berdi.

Reyslar jadvali (mahalliy vaqt bilan):

Toshkentdan jo‘nab ketish: 16:20 (20:00 o‘rniga)
Nukusga yetib borish: 18:00 (21:40 o‘rniga)
Nukusdan jo‘nab ketish: 18:50 (22:30 o‘rniga)
Toshkentga yetib borish: 20:10 (23:50 o‘rniga)

Bundan oldinroq Uzbekistan Airports matbuot xizmati Nukus aeroporti faoliyati komendantlik soatlarida vaqtinchalik cheklanishi haqida xabar bergandi.

Tayyorlagan Азиз Қаршиев

#Qoraqalpog‘iston #Uzbekistan Airways #Nukus aeroporti

1-2 iyul kunlari Qoraqalpog‘iston markazi Nukus shahrida tartibsizliklar kuzatildi. Milliy gvardiya xodimlari bilan to‘qnashuvlarda 200 dan ortiq kishi yaralangan, 18 kishi halok bo‘lgan.