Qoʻshimcha funksionallar
-
Tungi ko‘rinish
Qibrayda 3 gektar yerni 350 ming dollarga sotmoqchi bo‘lgan shaxslar ushlandi
Toshkent viloyatining Qibray tumanida 3 gektar yerni 350 000 AQSh dollariga sotmoqchi bo‘lgan firibgarlar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Foto: Iqtisodiy jinoyatlarga qarshi kurashish departamenti
Bosh prokuratura huzuridagi departamentning Toshkent viloyati boshqarmasi tomonidan Davlat xavfsizlik xizmati va Ichki ishlar vazirligi xodimlari bilan hamkorlikda tezkor tadbir o‘tkazilgan.
Unda, fuqaro F.S. va O.K. o‘zaro til biriktirib, Qibray tumanidagi 3 gektar yer maydonini fuqaro G.ga issiqxona tashkil etish uchun tanishlari orqali 350 000 AQSh dollari evaziga rasmiylashtirib berishni va’da qilib, shundan 10 000 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan.
Mahkama e’lon qilgan xabarda aytilishicha, hozirgi vaqtda tergov harakatlari o‘tkazilmoqda.
Mavzuga oid
11:09 / 08.11.2024
Andijonda kottejlar qurish uchun yer hujjatini rasmiylashtirib berish evaziga 230 ming dollar talab qilgan shaxs ushlandi
10:19 / 08.11.2024
“Tanish-bilish o‘tmaydi” – Kadastr agentligi direktori yerga egalik huquqini olishda firibgarlarga aldanmaslikka chaqirdi
20:28 / 01.11.2024
Fermer endi yerga ijara huquqini sotishi mumkin – savollarga javoblar
14:20 / 24.10.2024