Samarqand viloyatida yarim yilda 2,4 mingta jinoyat ishi ko‘rib chiqilgani ma’lum qilindi

2020 yil olti oyda 21,256 ta ma’muriy-huquqbuzarlik to‘g‘risidagi ishlar ham ko‘rib chiqilgan. Bu haqda viloyat matbuot uyida o‘tkazilgan matbuot anjumanida Samarqand viloyat sudi raisi Olimjon Hayitov ma’lum qilgan.

2022 yilning dastlabki olti oyida Samarqand viloyati sudyalari tomonidan qariyb 2976 nafar shaxsga nisbatan 2400 ta jinoyat ishi ko‘rib tamomlangan. Ularda 2272 nafar shaxsga hukm chiqarilgan. 694 nafar shaxsga nisbatan 644 ish tamomlangan. Tamomlangan jinoyat ishlari soni o‘tgan yilning shu davriga nisbatan 23 foizga oshgan.

Bundan tashqari, 2022 yil olti oy mobaynida 25,785 nafar shaxsga nisbatan 21,256 ta ma’muriy huquqbuzarlik to‘g‘risidagi ish birinchi instansiyada ko‘rib chiqilgan. Shundan 13,863 ta ma’muriy ish bo‘yicha 15,887 nafar shaxsga nisbatan ma’muriy jazo qo‘llash haqida qaror chiqarilgan.

Jami ma’muriy-huquqiy ishlar bo‘yicha qariyb 24 milliard so‘mlik jarima jazolari tayinlangan.

Shuningdek, fuqarolik ishlari bo‘yicha sudlarda 23,887 ta (2021 yil shu davrida 17,291 ta) fuqarolik ishlari tamomlangan, shundan 18,605 ta da’vo qanoatlantirilgan, 2,558 ta da’vo rad qilingan, 2,031 ta ariza ko‘rmasdan qoldirilgan, 693 tasi ish yuritishdan tugatilgan.

Iqtisodiy sudlarda esa 5,567 ta iqtisodiy ish mazmunan ko‘rilib hal etilgan. Shundan 4,960 ta da’vo qanoatlantirilgan, 382 ta da’vo rad qilingan, 87 ta da’vo ariza ko‘rmasdan qoldirilgan, 138 ta ish yuritishdan tugatilgan.