Britaniyada harorat rekordi qayd etildi

Buyuk Britaniya meteorologiya xizmati yangi harorat rekordini qayd etdi. Ma’lumotlarga ko‘ra, Surrey grafligidagi Charlvud shaharchasida havo harorati 39,1 darajaga yetgan. 

Rekord 19 iyul kuni qayd etildi. Xabar qilinishicha, harorat tungi vaqtda 25,8 darajani tashkil etgan. 

Buyuk Britaniyadagi avvalgi harorat rekordi 2019 yilning 25 iyulida Kembrijdagi botanika bog‘ida qayd etilgan va 38,7 darajaga teng bo‘lgan. 

Ekspertlar Uels, Shotlandiya va Shimoliy Irlandiyada ham yangi rekordlar qayd etilishi mumkinligini taxmin qilmoqda. 

Avvalroq Buyuk Britaniya qirollik harbiy-havo kuchlarining Brayz-Norton aviabazasi va Londondagi Luton aeroporti jazirama ob-havo tufayli faoliyatini vaqtinchalik to‘xtatgandi.