Tadbirkorlik jamg‘armasi olti oyda tadbirkorlarga 1,3 trln so‘mlik yordam ko‘rsatgan

Qayd etilishicha, jamg‘arma kichik tadbirkorlik sub’yektlariga 2 turdagi — kafillik va kompensatsiya moliyaviy yordam ko‘rsatadi.

Kafillik – bu qarz oluvchining tijorat banki oldidagi o‘z majburiyatlarini bajarishi uchun javob berish mas’uliyatini Jamg‘armaga yuklaydigan majburiyat.

Kompensatsiya – bu tadbirkorlarga tijorat banklari tomonidan ajratiladigan kreditlar foiz stavkasining bir qismini qoplash tushuniladi.

Jamg‘arma so‘nggi 6 oyda 1,3 trln so‘m moliyaviy yordam ko‘rsatdi. Kafillik bo‘yicha 891 ta loyihalarga – 810 mlrd so‘m, kompensatsiya bo‘yicha 2 844 ta loyihalarga – qariyb 443 mlrd so‘m.