Xitoy tashqi ishlar vaziri G7 mamlakatlarining qo‘shma bayonotini "makulatura" deb atadi

Van Ining so‘zlariga ko‘ra, bayonotda "to‘g‘ri va noto‘g‘ri, oq va qora aralashib ketgan, tajovuzkorlik oqlanib, himoyalanayotganlar qoralangan".

Foto: AP/TASS

Xitoy tashqi ishlar vaziri Van I G7 mamlakatlarining Pekinning AQSh vakillar palatasi spikeri Nensi Pelosining Tayvanga tashrifiga bildirgan reaksiyasi bo‘yicha e’lon qilingan qo‘shma bayonotini "makulatura" deb atadi.

"Bayonot deb atalgan bu narsani shunchaki makulatura parchasi deb hisoblayman", - dedi u Kamboja poytaxti Pnompenda o‘tkazilgan ASeAN mamlakatlari tashqi ishlar vazirlari yig‘ilishidan so‘ng Xitoy OAVga bergan intervyusida.

"Ichki ishlarga aralashmaslik – dunyodagi tinchlik va barqarorlikni saqlab turishning asosiy tamoyili. Biz mamlakatlar orasidagi munosabatlarda yana changalzor qonuni ustunlik qilishiga yo‘l qo‘ya olmaymiz", - deya qo‘shimcha qildi Van I.

Uning so‘zlariga ko‘ra, bayonotda "to‘g‘ri va noto‘g‘ri, oq va qora aralashib ketgan, tajovuzkorlik oqlanib, himoyalanayotganlar qoralangan".

"Xitoy tomoni bu "bayonot"ga qat’iyan qarshi chiqadi", - deb ta’kidladi Van I.

Avvalroq "yettilik" mamlakatlari Pekinning Pelosining Tayvanga tashrifidan so‘ng amalga oshirayotgan harakatlari munosabati bilan xavotir bildirgandi.

"Yettilik guruhi" mamlakatlari Pekinni mintaqadagi status-kvoni kuch bilan va bir tomonlama tartibda o‘zgartirmaslikka, Taybey bilan kelishmovchiliklarni tinch yo‘l bilan hal qilishga chaqirgan.