Bangladeshda talabalar yonilg‘i narxi oshirilishiga qarshi norozilik namoyishi o‘tkazdi

Bangladesh poytaxti Dakkadagi talabalar  yonilg‘i narxi oshirilishiga qarshi norozilik namoyishi o‘tkazdi, deb xabar berdi Dhaka Tribune nashri.

Nashrning yozishicha, o‘tgan haftada hukumat yonilg‘i narxini oshirishga qaror qilganidan so‘ng jamoat transportida yo‘lkira haqi ko‘tarilgan.

Yakshanba kuni talabalar norozilik namoyishiga chiqqan. Namoyish politsiya bilan to‘qnashuvga aylanib ketgan.

Dushanba kuni qator institutlar talabalari yana namoyish o‘tkazdi. Ular yonilg‘i narxi oshirilishi to‘g‘risidagi qarorni bekor qilish va jamoat transportida yo‘lkira haqini tushirishni talab qildi.