Daraxtlarni qonunga xilof ravishda kesish bo‘yicha javobgarlik masalasi maqbullashtiriladi

Qonunchilik palatasi navbatdagi majlisi bo‘lib o‘tdi. Unda “Ma’muriy javobgarlik to‘g‘risidagi kodeksga o‘zgartishlar kiritish haqida”gi qonun loyihasi birinchi o‘qishda muhokama qilindi.

Foto: Kun.uz

Qonun loyihasi bilan Ma’muriy javobgarlik to‘g‘risidagi kodeksda nazarda tutilgan daraxtlarni qonunga xilof ravishda kesish, kundakov qilish, shikastlantirish bo‘yicha javobgarlik masalasi maqbullashtirilmoqda.

Bitta moddada mazkur huquqbuzarlikka nisbatan javobgarlikni belgilash huquqni qo‘llash amaliyotida turli xil noaniqliklar keltirib chiqarishi, ayni bir qilmishni bir necha ma’muriy huquqbuzarliklar deb kvalifikatsiya qilinishi oldini oladi.

Majlisda qonun loyihasi qabul qilindi.