O‘zbekistonda qo‘lga olingan Turkiya fuqarosi vataniga ekstraditsiya qilindi

O‘zbekiston IIV Interpol MMB xodimlari xalqaro qidiruvda bo‘lgan Turkiya fuqarosini ekstraditsiya qildi.

Foto: IIV axborot xizmati

Interpol O‘zbekiston Milliy markaziy byurosi xodimlari tomonidan mamlakat hududida muhrlarga qasddan zarar yetkazish va narkotik moddalar noqonuniy aylanishi bilan bog‘liq huquqbuzarlik uchun qidiruvda bo‘lgan Turkiya fuqarosi qo‘lga olingandi.

Bosh prokuratura tomonidan ekstraditsiya qilish to‘g‘risidagi so‘rov qanoatlantirilgandan so‘ng, Turkiyadan kuzatuv guruhi Islom Karimov nomli xalqaro aeroportga yetib kelgan.

Ma’lum bo‘lishicha, shu yerda o‘zbekistonlik hamkasblar Interpol Anqara Milliy markaziy byurosi xodimlariga bu shaxsni topshirdi.