Rossiyada davlat telekanallari auditoriyasi keskin kamaydi

Rossiyadagi uchta asosiy federal telekanallar tomoshabinlarining ulushi Ukrainada urush boshlanganidan beri chorak qismga qisqardi va birinchi marta Telegram auditoriyasiga imkoniyatni boy berdi, deb yozadi The Moscow Times «Romira» tadqiqotiga tayanib.

Rossiyada RFning Ukrainaga qarshi keng ko‘lamli urushi boshlanganidan beri davlat telekanallarining auditoriyasi taxminan chorak qismga kamaydi. Bundan «Romir» xususiy tadqiqot kompaniyasi tomonidan rossiyaliklarning mediaiste’moliga ijtimoiy-iqtisodiy vaziyat ta’siri tahlili ma’lumotlari dalolat beradi, deb yozmoqda 22 avgust, dushanba kuni The Moscow Times nashri.

Sotsiologlarning fikricha, «katta uchlik» federal telekanallari – «Birinchi», «Rossiya 1» va NTV telekanallarining tomoshabinlar qamrab olishi birinchi marta fevral oyidan boshlab 19,1 foizdan 26,8 foizga o‘sgan Telegram ijtimoiy tarmog‘idan ortda qoldi. Shu bilan birga, «Birinchi kanal»ning tomoshabinlari RF aholisining 33,7 foizidan 25,5 foiziga, «Rossiya 1»ning xuddi shunday ko‘rsatkichlari 30,9 foizdan 23 foizga, NTV - 21,1 foizdan 16,6 foizga kamaydi.

Urush ehtiyojlari uchun teleefirlar tarmog‘ini qayta shakllantirgan telekanallar barcha yoshdagi auditoriyani tezda yo‘qotmoqda, ularning auditoriyasining qisqarishi yoshlar orasida faolroq, deb yozadi The Moscow Times.

Rossiyaning Ukrainaga to‘liq miqyosli bostirib kirishi boshlanganidan beri Rossiya davlat telekanallari dasturlarni o‘zgartirib, ko‘ngilochar dasturlarni teleefirdan olib tashladi va harbiy tashviqot mazmunini keskin oshirdi.