Harbiy xizmatchilar sug‘urtasi bo‘yicha “O‘zbekinvest” monopoliyasiga barham berildi
Harbiy xizmatchilarning davlat majburiy shaxsiy sug‘urtasiga boshqa sug‘urta kompaniyalari ham ochiq tanlovlar asosida jalb qilinadi. Bungacha bunday huquq faqatgina “O‘zbekinvest”da bor edi.
“Harbiy xizmatchilar va harbiy majburiyatli shaxslarning, oddiy askarlar hamda boshliqlar tarkibiga kiruvchi shaxslarning davlat majburiy shaxsiy sug‘urtasi to‘g‘risida”gi hukumat qaroriga o‘zgartirish kiritildi.
Unga ko‘ra, harbiy xizmatchilarning majburiy davlat sug‘urtasini amalga oshirish bo‘yicha “O‘zbekinvest” davlat kompaniyasining eksklyuziv huquqi bekor qilindi. Bu haqda Monopoliyaga qarshi kurashish qo‘mitasi xabar bermoqda.
“O‘zbekinvest” eksport-import milliy sug‘urta kompaniyasi harbiy xizmatchilarni sug‘urtalash bilan 2003 yil 1 yanvardan beri yakka o‘zi shug‘ullanib kelayotgan edi.
Endilikda boshqa sug‘urta kompaniyalari ham harbiy xizmatchilarning davlat majburiy sug‘urtasida tanlov asosida ishtirok etishi mumkin bo‘ladi.
Mavzuga oid
10:00 / 30.08.2024
“O‘zbekinvest” kompaniyasidan aksiya: “O‘zbekinvest” sug‘urta mahsulotlarini onlayn rasmiylashtiring va 20% keshbekka ega bo‘ling
15:06 / 24.08.2024
Kursk viloyatida 80 dan ortiq muddatli harbiy xizmatchi bedarak yo‘qoldi
22:40 / 14.08.2024
AQSh bozordagi monopol mavqeyi sabab Google’ni bo‘lib tashlashni rejalashtirmoqda
19:05 / 06.08.2024