Davlat organlari ishi ochiqlik indeksi bo‘yicha «yashil», «sariq» va «qizil» toifaga ajratiladi

2022 yil 1 iyuldan boshlab, ochiq e’lon qilinishi kerak bo‘lgan ijtimoiy ahamiyatga molik ma’lumotlar ro‘yxatiga kiritilgan axborotlarni davlat organlari va tashkilotlari sayti bosh sahifasida alohida bo‘limga joylashtirilishi tartibi belgilangan.

Biroq, 2022 yil 18 iyul holatiga ko‘ra, 121 ta davlat organi va tashkiloti 37 tasi alohida bo‘limni sayt bosh sahifasida tashkil etmagani, 15 tasida alohida bo‘lim umuman tashkil etilmagani qayd etildi.

Mahalliy davlat hokimiyati organlari tomonidan ijtimoiy ahamiyatga molik ma’lumotlarni o‘z saytida to‘liq e’lon qilinishida bir qator jiddiy kamchiliklarga yo‘l qo‘yilayotgani aytib o‘tildi.

Seminarda davlat organlari va tashkilotlari ochiqlik bo‘yicha amalga oshirilayotgan ishlar samaradorligi va natijadorligini baholashga qaratilgan Ochiqlik indeksi tizimi joriy etilgani haqida ma’lumot berildi.

Ochiqlik indeksi “0” balldan “100” ballgacha baholanib, davlat organlari va tashkilotlari faoliyati samaradorligi “yashil”, “sariq”, “qizil” toifalarga ajratiladi.

Mutaxassis va ekspertlaridan iborat tarkibda ochiqlikni ta’minlash sohasida ishlar samaradorligi va natijadorligini baholash komissiyasi faoliyati yo‘lga qo‘yildi. Komissiya davlat organlari va tashkilotlari ochiqlik indeksini baholash natijalarini ko‘rib chiqadigan hamda ochiqlik indeksini hisoblash haqida yakuniy qaror qabul qiladigan, muvofiqlashtiruvchi organ hisoblanadi.