Dam olish kunlaridagi ish uchun kamida ikki hissa miqdorda haq to‘lanadi

Xodimlarni bayram (ishlanmaydigan) kunlari ish beruvchi farmoyishi bo‘yicha ishga jalb etishga faqatgina qator shartlarda yo‘l qo‘yiladi.

“Huquqiy axborot” kanalida yozilishicha, bunda ishga jamoa shartnomasida, agar u tuzilmagan bo‘lsa – ish beruvchi tomonidan kasaba uyushmasi qo‘mitasi yoki xodimlar boshqa vakillik organi bilan kelishib belgilangan asoslar bo‘yicha yo‘l qo‘yiladi.

Ishlab chiqarish-texnika sharoitlari va boshqa sharoitlarga ko‘ra ishni to‘xtatib turish mumkin bo‘lmagan joylarda, aholiga xizmat ko‘rsatish zarurati bo‘lgan ishlarda, kechiktirib bo‘lmaydigan ta’mirlash va yuk ortish-tushirish ishlarida bayram (ishlanmaydigan) kunlari ishlashga yo‘l qo‘yiladi.

Dam olish kunlari va bayram kunlaridagi ishlar uchun kamida ikki hissa miqdorida haq to‘lanadi.

Bayram (ishlanmaydigan) kunlari arafasida kundalik ish (smena) muddati barcha xodimlar uchun kamida 1 soatga qisqartiriladi.