Tiklanish jamg‘armasidan Surxondaryo hokimligiga ajratilgan pulni qaytarish muddati 1 yilga uzaytiriladi

Prezidentning “Surxondaryo viloyati va Toshkent shahrida maxsus iqtisodiy va kichik sanoat zonalari faoliyatini yanada rivojlantirish chora-tadbirlari to‘g‘risida”gi farmoniga o‘zgartirishlar kiritiladi.

Tegishli hujjat loyihasiga ko‘ra, Surxondaryo viloyati investitsiyaviy jozibadorligini oshirish, tashqi savdoni rivojlantirish hamda mahalliy mahsulotlarni tashqi bozorlarga olib chiqish uchun qulay shart-sharoitlar yaratish maqsad qilingan.

Prezidentning “Surxondaryo viloyati va Toshkent shahrida maxsus iqtisodiy va kichik sanoat zonalari faoliyatini yanada rivojlantirish chora-tadbirlari to‘g‘risida”gi farmoniga quyidagilarni nazarda tutuvchi o‘zgartirishlar kiritiladi:

• Tiklanish va taraqqiyot jamg‘armasi tomonidan Surxondaryo viloyati hokimligiga 3 yil muddatga, shu jumladan 1 yillik imtiyozli davrni hisobga olgan holda ajratilgan mablag‘larni qaytarish muddatini 1 yilga uzaytirish;
• kreditni qaytarish prognoz jadvalini qayta tasdiqlash.

Tiklanish va taraqqiyot jamg‘armasi Surxondaryo viloyati hokimligi bilan birgalikda farmondan kelib chiqqan holda kredit shartnomasi shartlari qayta ko‘rib chiqilishini ta’minlaydi.