Erdo‘g‘an va Putin Samarqandda oziq-ovqat bo‘yicha kelishuvni muhokama qilishi mumkin

Bu haqda diplomatik manbaga tayanib, RIA «Novosti» xabar bermoqda.

Avvalroq, chorshanba kuni Putin G‘arb Ukraina g‘allasining ko‘p qismini Afrikadagi muhtoj mamlakatlarga emas, balki o‘z davlatlariga eksport qilayotgani sababli dunyo misli ko‘rilmagan gumanitar falokatni boshdan kechirishi mumkinligini aytdi. 

Uning so‘zlariga ko‘ra, Turkiya prezidenti bilan ushbu yo‘nalishdagi cheklovlarni muhokama qilish maqsadga muvofiq bo‘lishi mumkin. 

«Ha, bu mavzu muhokama qilinadi», dedi diplomatik manba ikki davlat rahbarlarining Samarqandda kutilayotgan uchrashuvi kun tartibida oziq-ovqat bo‘yicha kelishuv bor-yo‘qligi haqidagi savolga javoban. 

22 iyul kuni Istanbulda Rossiya mahsulotlarini eksportga yetkazib berishdagi cheklovlarni bekor qilish va Ukraina donini eksport qilishda Rossiyaning yordami bo‘yicha ko‘p tomonlama bitimlar imzolandi. 

Rossiya, Turkiya, Ukraina va BMT vakillari tomonidan imzolangan kelishuv Ukraina doni, oziq-ovqat va o‘g‘itlarini Qora dengiz orqali uchta portdan, jumladan Odessadan olib chiqib ketishni nazarda tutadi.