Soliq to‘lovchilarga soliqlarni bo‘lib to‘lash yoki muddatini kechiktirish imkoni beriladi

“Huquqiy axborot” kanalida yozilishicha, bunday imkoniyatdan quyidagi asoslardan bittasi mavjud bo‘lganda foydalanish mumkin:

• soliq to‘lovchiga tabiiy ofat, texnologik falokat yoki boshqa bartaraf etib bo‘lmaydigan holatlar natijasida zarar yetkazilgani;
• soliq to‘lovchini budjetdan moliyalashtirish kechiktirilgani yoki davlat ehtiyoji uchun bajarilgan ishlar haqini to‘lash kechiktirilgani;
• soliqni biryo‘la to‘lash natijasida uning bankrotligi alomatlari paydo bo‘lishi xavfi yuzaga kelgani;
• faoliyatini 3 yildan ko‘p davrdan buyon amalga oshirayotgani hamda hisoblangan soliqlarni o‘z vaqtida to‘lab kelgani, ammo moliyaviy ahvoliga ko‘ra soliq qarzini belgilangan muddatlarda to‘lash imkoniyatiga ega bo‘lmagani;
• tadbirkorlar soliq to‘lashni kechiktirish to‘g‘risidagi xabarnomani yer, binolar va inshootlarga bo‘lgan mulk huquqi davlat ro‘yxatidan o‘tkazilgandan 3 oyda soliq organlariga yuborgan bo‘lsa;
• jismoniy shaxs mulkiy holati soliqni biryo‘la to‘lash imkoniyatini istisno etishi;
• tovarlar yoki xizmatlarni ishlab chiqarish va realizatsiya qilish mavsumiy xususiyatga ega ekani;
• O‘zbekiston bojxona chegarasi orqali tovarlar olib o‘tilishi munosabati bilan bojxona to‘g‘risidagi qonunchilikda belgilangan to‘lanishi lozim bo‘lgan soliqlarni to‘lashni kechiktirish yoki bo‘lib-bo‘lib to‘lash imkoniyatini berish uchun asoslar mavjud ekani.