Estoniya ishbilarmon doiralari vakillarining O‘zbekistonga missiyasi tashkil etiladi

O‘zbekiston Tashqi ishlar vazirligida Estoniya elchisi Toomas Tirs (qarorgohi – Ostona shahrida) bilan uchrashuv bo‘lib o‘tdi, deb xabar bermoqda “Dunyo” muxbiri.

Suhbat chog‘ida O‘zbekiston-Estoniya hamkorligini yanada rivojlantirish, ikki tomonlama kun tartibini kengaytirish dolzarb masalalari muhokama qilindi.

Ikki tomonlama munosabatlarni chuqurlashtirish, siyosiy, savdo-iqtisodiy, sarmoyaviy, madaniy-gumanitar sohalardagi hamkorlikni faollashtirishdan o‘zaro manfaatdorlik bildirildi.

Uchrashuv yakunlari bo‘yicha joriy yil oxirigacha vazirliklararo siyosiy maslahatlashuvlar navbatdagi raundi muddatini ishlab chiqish, 2023 yil boshida Estoniya ishbilarmon doiralari vakillarining O‘zbekistonga missiyasini tashkil etish bo‘yicha kelishuvga erishildi.