NATO bosh kotibi Rossiyaning «iflos bomba» haqidagi ayblovlarini qoraladi

NATO davlatlari Rossiyaning Ukraina o‘z hududida «iflos bomba» qo‘llashga tayyorlanayotgani haqidagi da’volarini rad etadi, dedi NATO bosh kotibi Yyens Stoltenberg bu masalani AQSh va Britaniya mudofaa vazirlari Lloyd Ostin hamda Ben Uolles bilan muhokama qilar ekan.

Foto: Getty Images

Rossiya Federatsiyasi o‘z bayonotlarini eskalatsiya uchun bahona sifatida ishlata olmaydi, deya alohida ta’kidlab o‘tdi NATO bosh kotibi.

Alyans Ukrainani qo‘llab-quvvatlashda sobit, deya qo‘shimcha qildi Stoltenberg.

Bundan oldin Ukraina tashqi ishlar vaziri Dmitriy Kuleba Rossiya mudofaa vaziri Sergey Shoyguning Kiyevga nisbatan Ukrainada «bomba»ni portlatish rejalarida ayblaganini «xavfli yolg‘on» deb atagandi.

«Rossiyaning Ukraina go‘yoki bombadan foydalanishni rejalashtirayotgani haqidagi yolg‘onlari bema’nilik bilan bir qatorda, xavfli hamdir. Birinchidan, Ukraina yadro qurollarini tarqatmaslik to‘g‘risidagi shartnoma ishtirokchisi hisoblanadi va unga sodiqdir: bizda «bombalar» yo‘q. Ikkinchidan, ruslar ko‘pincha o‘zlari rejalashtirgan narsada boshqalarni ayblaydilar», deb yozadi Kuleba.

Ukraina Tashqi ishlar vazirligi AEXAni Rossiya «bomba» – faraziy radiologik qurol tayyorlayotganini da’vo qilayotgan Jyeltiye Vodi va Kiyevdagi obektlarga tashrif buyurishga chaqirdi.

Atom energiyasi bo‘yicha xalqaro agentlik (AEXA) Rossiya «bomba qo‘llash orqali ehtimoliy provokatsiyalar uyushtirish»da ayblagan Ukrainaga ekspertlarini yuboradi.