O‘zbekiston va Turkmaniston elektr energiyasining boshqa davlatlarga tranzitini yo‘lga qo‘yadi

O‘zbekiston va Turkmaniston Energetika vazirliklari Ashxobodda elektr energetikasi sohasidagi hamkorlikni yanada rivojlantirish bo‘yicha o‘zaro anglashuv memorandumini imzoladi.

Foto: Dunyo

Bu hamkorlikning aniq yo‘nalishlari quyidagilarni o‘z ichiga olgan:

tomonlar ikki davlat o‘rtasida elektr energiyasi savdosini rivojlantirish va uning boshqa mamlakatlarga tranzitini yo‘lga qo‘yish maqsadidagi hamkorligi;
elektr energiyasi ta’minoti bo‘yicha mavjud shartnomalar amal qilishi muddatini o‘zaro manfaatli shartlar asosida uzaytirish;
elektr energiyasi savdosi hajmini oshirish;
energetika obektlarini ta’mirlash sohasidagi hamkorlik;
obektlarda ta’mirlash ishlarini olib borish.

Eslatib o‘tamiz: O‘zbekiston prezidenti Shavkat Mirziyoyev va Turkmaniston prezidenti Serdar Berdimuhamedov 21 oktabr kuni strategik sheriklikni chuqurlashtirish to‘g‘risidagi deklaratsiyani imzoladi.

Bundan tashqari, ikki mamlakat hukumatlari, vazirlik va idoralari darajasida ko‘p qirrali O‘zbekiston-Turkmaniston hamkorligini yanada kengaytirishni ko‘zda tutadigan qator hujjatlar imzolandi.