Qurilish ishlari hajmida ulushi yuqori hududlar ma’lum qilindi

2022 yilning yanvar-sentabr oylarida respublika bo‘yicha 94,1 trln so‘mlik qurilish ishlari bajarilgan. 

Davlat statistika qo‘mitasi ma’lumotlariga ko‘ra, bajarilgan qurilish ishlari hajmi o‘tgan yilning mos davriga nisbatan solishtirilganda 6,3 foizga oshgan.

Jami qurilish ishlari hajmida hududlarning ulushi bo‘yicha Toshkent shahri yetakchilik qilyapti – 24,7 foiz.

Undan keyingi o‘rinlarni qurilish ishlari hajmi mos ravishda 9 foiz hamda 6,7 foizni tashkil etgan Toshkent viloyati va Samarqand viloyati egalladi.

Ushbu ko‘rsatkich qolgan hududlar kesimida quyidagicha ko‘rinish oldi:

• Farg‘ona viloyati – 6,6 foiz;
• Buxoro viloyati – 6,5 foiz;
• Qashqadaryo viloyati – 5,8 foiz;
• Andijon viloyati – 5,2 foiz;
• Surxondaryo viloyati – 5,1 foiz;
• Namangan viloyati – 5,0 foiz;
• Navoiy viloyati – 4,6 foiz;
• Qoraqalpog‘iston R. – 4,1 foiz;
• Xorazm viloyati – 3,8 foiz;
• Jizzax viloyati – 2,7 foiz;
• Sirdaryo viloyati – 2,2 foiz.