Qoʻshimcha funksionallar
-
Tungi ko‘rinish
Saudiya O‘zbekistonga "gastronomik turizm" va "ekoturizm" yo‘nalishida sayyohlar yubormoqchi
O‘zbekistonning Jidda shahridagi Bosh konsuli Nodir Turg‘unov respublikaga turistlar oqimini ko‘paytirish bo‘yicha amalga oshirilayotgan ishlar doirasida Makka shahridagi Shaba kompaniyasi bosh direktori Hamza al-Qurayshiy va ijrochi direktori Nagi Elsavi Badaviy bilan uchrashdi, deb xabar bermoqda “Dunyo”.
Foto: Dunyo
Saudiyalik tadbirkorlar O‘zbekistonda turizmni rivojlantirish va uning infratuzilmasini takomillashtirish yo‘lida amalga oshirilayotgan islohotlar, mamlakat boy tarixiy-madaniy merosi bilan yaqindan tanishdi.
Shaba kompaniyasi rahbariyati O‘zbekistonda rivojlangan “gastronomik turizm”, “ekoturizm” va “sog‘lomlashtirish turizmi” imkoniyatlariga alohida qiziqish bildirdi.
Muloqot davomida O‘zbekiston poytaxti turistik salohiyatini ochib beruvchi “Salom, Toshkent” videoroligi hamda mamlakat boy sayyohlik imkoniyatlariga bag‘ishlangan boshqa filmlar namoyish etildi.
Hamza al-Qurayshiy kelgusi yil yanvar oyidan boshlab Saudiya Arabistoni fuqarolari uchun O‘zbekistonga vizasiz kirish tartibi joriy etilganini yuqori baholadi. Ushbu sa’y-harakatlar podshohlikdan O‘zbekistonga nafaqat turistlar oqimining ko‘payishiga, balki saudiyalik investor va biznesmenlar tashriflari soni ham ortishiga xizmat qilishini qayd etdi.
Mavzuga oid
16:31
Qozog‘iston va O‘zbekiston o‘rtasida birinchi temiryo‘l sayohat dasturi boshlanadi
23:32 / 13.11.2024
Florensiya «haddan ziyod turizm»ga qarshi kurash bo‘yicha yangi choralar qabul qildi
21:49 / 04.11.2024
O‘zbekistonliklar 2024 yilda Qozog‘istonda eng ko‘p pul sarflagan xorijliklar qatoriga kirdi
10:26 / 03.11.2024